Connect with us

Big Boss

‘ഞാന്‍ ചെയ്തത് ശരിയായില്ല, ആ ഒരു കാര്യം ഒഴുവാക്കാമായിരുന്നു’ ബിഗ്‌ബോസ് വീട്ടിനെ അനുഭവം പങ്കുവെച്ച് ഏയ്ഞ്ചല്‍ തോമസ്

Published

on

ബിഗ് ബോസ് സീസണ്‍ 3 റിയാലിറ്റി ഷോയിലൂടെ മലയാളി പ്രേക്ഷകര്‍ക്ക് സുപരിചിതയായ വ്യക്തിയാണ് ഏയ്ഞ്ചല്‍ തോമസ്. ഷോ തുടങ്ങി രണ്ടാഴ്ച്ച കഴിഞ്ഞാണ് വൈല്‍ഡ് കാര്‍ഡ് എന്‍ട്രിവഴി ഏയ്ഞ്ചല്‍ ബിഗ്‌ബോസ് ഹൗസിനുള്ളില്‍ എത്തിയത്. ആലപ്പുഴ സ്വദേശിനിയും മോഡലും, അവതാരികയും അധ്യാപികയുമാണ് ഏയ്ഞ്ചല്‍. ഹൗസിനുള്ളില്‍ എത്തിയ താരം വളരെ പെട്ടന്ന് തന്നെ മറ്റു മത്സരാര്‍ത്ഥികളുമായി സൗഹൃദത്തിലായത്. മോഡലായ ഏയ്ഞ്ചല്‍ വന്ന് രണ്ടാമത്തെ ആഴ്ചയില്‍ തന്നെ താരം പുറത്തേക്ക് പോകാനുള്ള നോമിനേഷനില്‍ വന്നു. തുടര്‍ന്ന് നാലമത്തെ ആഴ്ചത്തെ എലിമിനേഷനില്‍ താരം ബിഗ്‌ബോസ് വീടിന്റെ പടിയിറങ്ങുകയും ചെയ്തു. ബിഗ് ബോസില്‍ നിന്നും പുറത്തേക്ക് കടക്കുന്ന മൂന്നാമത്തെ മത്സരാര്‍ത്ഥിയാണ് ഏയ്ഞ്ചല്‍ തോമസ്.

വീട്ടിനുള്ളില്‍ അഡോണിയുമായി നടത്തിയ ലവ് സ്ട്രാറ്റജി പാളിയതാണ് ഏയ്ഞ്ചല്‍ പുറത്താകാന്‍ കാരണമെന്നും സമൂഹമാധ്യമങ്ങളില്‍ വന്‍ ചര്‍ച്ചയായിരുന്നു. അതേസമയം ബിഗ്‌ബോസിന്‍ ഉണ്ടായ തന്റെ അനുഭവങ്ങള്‍ പങ്കുവെച്ച് രംഗത്തെത്തിയിരിക്കുകയാണ് ഏയ്ഞ്ചല്‍ തോമസ്. വെറും 14 ദിവസം മാത്രമാണ് ഏയ്ഞജല്‍ ബിഗ്‌ബോസ് വീട്ടില്‍ ഉണ്ടായിരുന്നത്. എന്നാല്‍ കുറച്ച് നാളെ നില്‍ക്കാന്‍ കഴിഞ്ഞുള്ളുവെങ്കിലും ബിഗ്‌ബോസ് വീട്ടില്‍ ചിലവഴിച്ച ഓരോ നിമിഷവും തനിക്ക് വളരെ വിലപ്പെട്ടതാണെന്നാണ് ഏയ്ഞ്ജല്‍ പറഞ്ഞത്. തനിക്ക് ഒട്ടും ഖേദമില്ലെന്നും ഷോയിലെ ഓരോ നിമിഷവും താന്‍ ആസ്വദിച്ചിട്ടുണ്ടെന്നും താരം പറഞ്ഞു. ആദ്യമായി മോഹന്‍ലാലിനെ കണ്ട സന്തോഷത്തെ കുറിച്ചും ഏയ്ഞജല്‍ വാചാലയായി. മോഹന്‍ലാലിനെ ആദ്യമായി കണ്ടത് തന്റെ തന്റെ സ്വപ്ന സാക്ഷാത്കാരം പോലെ ആയിരുന്നെന്നും അദ്ദേഹത്തിന്റെ കൂടെ സ്റ്റേജില്‍ നിന്നപ്പോള്‍ തനിക്ക് ഒന്നും സംസാരിക്കാന്‍ കഴിയാതെ ലാലേട്ടനെ തന്നെ നോക്കി നിന്നു എന്നാണ് ഏയ്ഞ്ചല്‍ പറഞ്ഞത്.

അതേസമയം ബിഗ്‌ബോസില്‍ നിന്ന് ഇത്ര വേഗം പുറത്ത് പോയത് നല്ലകാര്യമായിരുന്നു എന്നും കുറച്ച് ദിവസം കൂടി ഷോയില്‍ തുടര്‍ന്നിട്ടുണ്ടെങ്കില്‍ മറ്റു മത്സരാര്‍ത്ഥികളുമായി അടുത്ത ബന്ധം ഉണ്ടാകുമായിരുന്നു പിന്നെയുള്ള വിടപറച്ചല്‍ വലിയ വേദനയുണ്ടാകുമെന്നാണ് ഏയ്ഞ്ചല്‍ പറഞ്ഞത്. ബിഗ്‌ബോസ് വീട്ടില്‍ താരം എത്തിയ ആദ്യദിവസത്തെ കലഹത്തെ കുറിച്ച് പറയാനും താരം മറന്നില്ല. ബിഗ്‌ബോസ് വീട്ടിലെ ഉണ്ടായ അനുഭവത്തില്‍ തനിക്ക് റിഗ്രറ്റുകള്‍ ഒന്നിമില്ല എന്നാലും ഒരു കാര്യം ഒഴിവാക്കാമായിരുന്നു എന്നാണ് ഏയ്ഞ്ചല്‍ പറഞ്ഞത്. ഞാന്‍ ഒരു എക്‌സ്ട്രാ ദോശ ചോദിക്കരുതായിരുന്നു. ഞാന്‍ ഒട്ടും പ്രതീക്ഷിച്ചിരുന്നില്ല ഇങ്ങനെ വഴക്കാകുമെന്ന്. തന്റെ ജീവിത്തതില്‍ ഇങ്ങനൊരു വഴക്ക് കണ്ടിട്ടില്ലെന്നും ആദ്യമായാണ് ഇത് അനുഭവിക്കുന്നതെന്നും ഏയ്ഞ്ചല്‍ പറഞ്ഞു.

അതേസമയം അഡോണിയുമായി തനിക്ക് പ്രണയം ഇല്ലായിരുന്നെന്നും ലവ് ട്രാക്ക് കളിച്ചതല്ലെന്നും ഏയ്ഞ്ചല്‍ തുറന്ന് പറഞ്ഞു. അഡോണിയുടെ സംസാരം കേള്‍ക്കാന്‍ നല്ല രസമാണെന്നും താരം വ്യക്തമാക്കി. ബിഗ്‌ബോസ് വീട്ടില്‍ തനിക്ക് നഷ്ടപ്പെട്ടുപോയ സ്വാതന്ത്രത്തെ കുറിച്ചും താരം വിവരിക്കുന്നുണ്ട്. ഒരുപാട് യാത്ര ചെയ്യാന്‍ ഇഷ്ടപ്പെടുന്ന തനിക്ക് ബിഗ്‌ബോസ് വീട്ടില്‍ വന്നതിന് ശേഷം യാത്രയുടെ ഫീല്‍ ആസ്വദിക്കാന്‍ കഴിഞ്ഞിട്ടില്ലെന്നും യാത്രക്കിടെ ഒത്തിരി ആളുകളെ കാണുവാനും സംസാരിക്കാനും ഇഷ്ടമായിരുന്നു പക്ഷേ അതൊന്നും ഇപ്പോള്‍ എനിക്ക് ആസ്വദിക്കാന്‍ കഴിയുന്നില്ലെന്നാണ് താരം പറഞ്ഞത്. ബിഗ്‌ബോസില്‍ നിന്ന് പുറത്തായതില്‍ പിന്നെ ജീവിതത്തില്‍ കുറച്ച് മാറ്റങ്ങളെക്കെ വന്നിട്ടുണ്ടെന്നും താരം പറഞ്ഞു. ‘മനസ്സില്‍ തോന്നുന്നതെല്ലാം വിളിച്ചു പറയുന്ന ഒരു വായാടി പെണ്ണല്ല ഇപ്പോള്‍. ഒരു വാക്ക് പോലും പറയുന്നതിന് മുമ്പ് ഒരുപാട് തവണ ആലോചിക്കാറുണ്ടെന്നും ഏയ്ഞ്ചല്‍ വ്യക്തമാക്കി.

 

Trending